नेपाल एयरलाइन्सका कर्मचारी ५४ लाख ७१ हजार मुद्रासहित पक्राउ

त्रिभुवन अन्तर्राष्ट्रिय विमानस्थलबाट नेपाल एयरलाइन्सका एक कर्मचारी ५४ लाख ७१ हजार रुपैयाँभन्दा बढी विदेशी तथा नेपाली मुद्रासहित पक्राउ परेका छन्।

नेपाल एयरलाइन्समा ग्राउन्ड इक्विपमेन्ट अपरेटर (जिइओ) का रूपमा कार्यरत ५० वर्षीय कमल नारायण विश्वास पक्राउ परेका हुन्। सुनसरीको गढी गाउँपालिका–१ स्थायी घर भएका विश्वास हाल काठमाडौंमा बसोबास गर्दै आएका छन्।