कुवेत–बहराइनमा इरानी मिसाइल र ड्रोन आक्रमण : १ जनाको मृत्यु, ६० भन्दा बढी घाइते

काठमाडौं ।

इरानले बुधबार राति कुवेत र बहराइनतर्फ मिसाइल तथा ड्रोनहरूको ठूलो आक्रमण गरेपछि मध्यपूर्वमा तनाव पुनः चुलिएको छ। प्रारम्भिक विवरणअनुसार कुवेतमा कम्तीमा एक जनाको मृत्यु भएको छ भने ६० भन्दा बढी व्यक्ति घाइते भएका छन्। आक्रमणबाट कुवेत अन्तर्राष्ट्रिय विमानस्थलको टर्मिनल–१ लगायतका नागरिक संरचनामा क्षति पुगेको बताइएको छ। अमेरिकी केन्द्रीय कमाण्ड (CENTCOM) का अनुसार इरानले कुवेतस्थित अमेरिकी फौजलाई लक्षित गरी थप ड्रोन आक्रमणको प्रयास गरेको थियो।