पन्ध्र वर्षदेखि अलपत्र पुल निर्माण अन्तिम चरणमा

विगत १५ वर्षदेखि अलपत्र र रुग्ण आयोजनाका रूपमा रहेको धनुषा र सिराहा जोड्ने कमला नदीमाथिको पुल निर्माण अन्तिम चरणमा पुगेको छ ।

मधेश प्रदेशको मेरुदण्ड मानिने हुलाकी राजमार्ग अन्तर्गत निर्माणाधीन यस पुलको बाँकी कामले तीव्रता पाएसँगै आगामी दुई महिनाभित्र औपचारिक रूपमा सञ्चालनमा ल्याउने तयारी गरिएको पूर्वाधार विकास मन्त्रालयले जनाएको छ । पूर्वाधार विकासमन्त्री सुनील लम्सालले सामाजिक सञ्जालमार्फत सो जानकारी गराउनुभएको छ ।