पुल बगेपछि फोक्सिन्टारमा घिर्नीको भर

खोटाङ र उदयपुर जोड्ने सुनकोशीस्थित फोक्सिन्टारमा सामान वारपार गर्न पुनः घिर्नी सञ्चालनमा ल्याइएको छ । सुनकोशीले मोटरेबल पुल बगाएपछि नयाँ पुल निर्माण नभएकाले सामान ओसारपसारका लागि घिर्नी जडान गरी सञ्चालनमा ल्याइएको हो ।

फोक्सिन्टारको मोटरेबल पुल बाढीले बगाएपछि हिउँदमा अस्थायी बेलिब्रिज जडान गर्ने गरिएको छ । कोशीमा पानीको बहाव बढेसँगै जेठ ३ गते बेलिब्रिज हटाइएपछि सामान वारपार गर्न जेठ १५ गतेदेखि घिर्नी सञ्चालनमा ल्याइएको हो ।