गौरमा माघ १३ देखि मेयर कप क्रिकेट प्रतियोगिता हुँदै

रौतहट । रौतहटको सदरमुकाम गौरमा मेयर कप क्रिकेट प्रतियोगिता आयोजना हुने भएको छ । जिल्ला क्रिकेट संघको समन्वय तथा गौर नगरपालिकाको आर्थिक सहयोगमा आगामी माघ १३ गते देखी मेयर कप क्रिकेट प्रतियोगिताको आयोजना हुने भएको हो ।

गौर नगरपालिकाको सभा हलमा शनिवार आयोजित पत्रकार सम्मेलनमा क्रिकेट प्रतियोगिताबारे जानकारी दिइयो । मेयर शम्भु साहले क्रिकेट खेलाडीको क्षमता विकासको लागि प्रतियोगिताको आयोजना गरिएको बताए। पछिल्लो समय नेपालमा लोकप्रिय बन्दै गएको क्रिकेट खेलमा उत्कृष्ट प्रदर्शन गर्ने खेलाडीलाई प्रदेश र राष्ट्रिय स्तरमा पुर्‍याउने उद्देश्यले मेयर कपको आयोजना गरिएको मेयर साहले बताए।