एनआई कप क्रिकेट : ओम नेसनल एकेडेमीलाई हराउँदै डेसिमल कलेज विजयी

पर्सा — वीरगन्जमा जारी नेसनल इन्फोटेक अन्तर कलेज टी–२० क्रिकेट प्रतियोगिता अन्तर्गत शुक्रबारको खेलमा डेसिमल कलेजले ओम नेसनल एकेडेमीलाई ९ विकेटले पराजित गरेको छ ।

टस जितेर पहिले ब्याटिङ गरेको ओम नेसनलले निर्धारित ५ ओभरको खेलमा तिन विकेटको क्षतिमा ३३ रनको योगफल तयार पार्‍यो । हुस्सुको कारण खेल सञ्चालन गर्न कठिनाइ भएपछि खेल पाँच ओभरमा सीमित गरिएको थियो ।