प्रिमियर लिगमा चेल्सी लयमा फर्कियो

काठमाडौं । इंग्लिश प्रिमियर लिगमा चेल्सी लयमा फर्किएको छ । सोमबार राती भएको खेलमा चेल्सीले वुल्भ्सलाई ३-१ गोल अन्तरले हरायो । पछिल्लो समय चेल्सीलाई बराबरी र हारले अंक तालिकामा खुम्च्याएको थियो ।

चेल्सीलाई जिताउन टोसिन अदाराबियोयो, मार्क, नोनी मडुकेले एक-एक गोल गरे । वुल्भ्सका म्याट डोहर्टीले एक गोल फर्काए । यो जितसँगै चेल्सी अंक तालिकाको चौथो स्थानमा उक्लिएको छ । उसको २२ खेलबाट ४० अंक भएको छ ।