ट्रम्पको कार्यकाल सुरु

काठमाडौँ, माघ ८ गते । संयुक्त राज्य अमेरिकाको ४७ औँ राष्ट्रपतिका रूपमा डोनाल्ड जे ट्रम्पले सोमबारदेखि औपचारिक रूपमा राष्ट्रपतिको कार्यभार सम्हाल्नुभएको छ । राजधानी वासिङ्टन डिसीमा भव्य समारोहकाबिच उहाँले पद तथा गोपनीयताको शपथग्रहण गर्दै पदभार सम्हाल्नुभएको हो ।

विश्व शक्तिराष्ट्रको शक्तिशाली राष्ट्रपतिका रूपमा दोस्रो कार्यकालका लागि निर्वाचित ट्रम्पलाई अमेरिकाको सर्वोच्च अदालतका प्रधान न्यायाधीश जोन रोबर्टसले अमेरिकी समय अनुसार बिहान ११ : ४७ बजे शपथग्रहण गराउनुभयो ।