करिब १ हजार ४ सय ५४ किलोग्राम गाँजासहित एक जना पक्राउ

सुनसरी– इनरूवा नगरपालिका-१० जाल्पापुर चम्राही टोलबाट अवैध लागूऔषध गाँजा जस्तो देखिने पदार्थसहित भोक्राहा नरसिंह गाउँपालिका-५ बस्ने ३० वर्षीय रामबहादुर यादवलाई शनिबार बिहान प्रहरीले पक्राउ गरेको छ।

जिल्ला प्रहरी कार्यालय सुनसरीबाट खटिएको प्रहरीले को.१ च ८२७९ नम्बरको पिकअप गाडीमा लोड गर्दै गरेको करिब १ हजार ४ सय ५४ किलो ८ सय ७० ग्रामका ४७ वटा पोकामा रहेको उक्त परिमाणको गाँजा जस्तो देखिने पदार्थ फेला पारी चालक रामलाई पक्राउ गरेको हो।