डाभिस कपमा अमेरिकालाई हराउँदै चेक गणतन्त्र फाइनल ८ मा

चेक गणतन्त्रले अमेरिकालाई हराउँदै डाभिस कपको फाइनल ८ मा स्थान बनाएको छ। अमेरिकी खेलाडी बेन शेल्टन र लर्नर टिन दुवै आफ्नो एकल खेलमा पराजित भएपछि चेक गणतन्त्रले पाँच खेलको भिडन्त ३-२ ले आफ्नो पक्षमा पार्‍यो।

निर्णायक खेलमा जिरी लेहेचकाले लर्नर टिनलाई ६-३, ७-५ को सेटमा हराउँदै चेक गणतन्त्रलाई फाइनल ८ मा पुर्‍याए। यसअघि याकुब मेन्सिकले अमेरिकी खेलाडी शेल्टनलाई ५-७, ६-४, ६-३ ले पराजित गर्दै भिडन्त २-२ को बराबरीमा ल्याएका थिए।