रसुवा जाने सबै राजमार्ग ठप्प, बीपी राजमार्ग अवरुद्ध [यस्तो छ सडकको अवस्था]

काठमाडौँ- विभिन्न ठाउँमा भइरहेको वर्षाका कारण सडक यातायात प्रभावित भएको छ। नेपाल प्रहरीको विवरणअनुसार बागमती प्रदेशतर्फ खुक–नेपालथोक–कटुन्जेबेँसी हुँदै चल्ने सवारीका लागि बीपी राजमार्ग प्रभावित छ।

बाढीका कारण रसुवाको मुख्य राजमार्ग सबै प्रभावित छन्। अर्को सूचना नभएसम्म पूर्ण रूपमा अवरोध रहेको प्रहरीले जनाएको छ। नुवाकोटको शिवपुरी गाउँपालिका–८ घट्टेखोलामा टोखा–छहरे सडकखण्ड बाढी तथा पहिरोको जोखिममा छ। राति १० बजेदेखि बिहान ५ बजेसम्म यहाँ सवारी सञ्चालनमा रोक लगाइएको छ।