मुलुकको भविष्य युवाहरूको सोच, ऊर्जा र क्षमतामा निर्भर : राष्ट्रपति पौडेल

काठमाडौं । राष्ट्रपति रामचन्द्र पौडेलले मुलुकको भविष्य युवाहरूको सोच, ऊर्जा र क्षमतामा निर्भर रहने बताएका छन् । युवा मस्तिष्कको नवीन सोच र इन्जिनियरहरूको प्राविधिक कौशललाई एकीकृत गरी अघि बढे मात्र समृद्ध नेपालको सपना साकार हुने उनले उल्लेख गरेका हुन् ।

राष्ट्रपति पौडेलले विकासको अवधारणा केवल भौतिक निर्माणमा मात्र सीमित नभई जनताको कल्याण र मुलुकको समृद्धिसँग जोडिनुपर्नेमा जोड दिए । विकासको केन्द्रमा मानव र प्रकृतिलाई राख्नुपर्ने उल्लेख गर्दै उनले देशको इतिहास, भूगोल, संस्कृति र जातीय विविधतालाई विर्सन नहुने बताए ।