८ महिनामा ६ लाख पर्यटक भित्रिए

काठमाडौं । विगतका वर्षहरुको तुलनामा यो वर्ष नेपाल आउने विदेशी पर्यटकको संख्या ८४ प्रतिशतले बढेको छ । वितेका ८ महिनामा हवाइ मार्ग हुँदै ६ लाख भन्दा बढी पर्यटकले नेपाल भ्रमण गरेका छन्।

सन् २०२३ को वितेका ८ महिनामा कुल ६ लाख १ हजार ३६० जना विदेशी पर्यटक नेपाल आएको नेपाल पर्यटन बोर्डले जनाएको छ । बोर्डका अनुसार यो संख्या गत वर्षको सोही अवधिको भन्दा झन्डै डबल हो । गत वर्षको सोही अवधीमा जम्मा ३ लाख २६ हजार ६६७ जना पर्यटक नेपाल भित्रिएका थिए ।