जनकपुरमा आगलागी, एकजनाको मृत्यु

जनकपुरधाम । धनुषाको जनकपुरधाम उपमहानगरपालिका–८, रामानन्द चोकस्थित एउटा घरमा आगलागी हुँदा एकजनाको मृत्यु भएको छ । आगोले जलेर महोत्तरीको लोहारपट्टी नगरपालिका–२ का ७० वर्षीय किशोरी सहनीको मृत्यु भएको जिल्ला प्रहरी कार्यालयका प्रवक्ता ओमप्रकाश खनालले जानकारी दिए ।

घरायसी सामानसहित तीन लाख रुपैयाँबराबरको क्षति भएको छ । शनिबार (असोज ३) राति आगलागी भएको हो ।