सरकारको २१ बुँदे कार्ययोजनाले सेयर बजारका लगानीकर्ता उत्साहित

काठमाडौं– गत साता २५५९.४९ विन्दुमा बन्द भएको सेयर बजार यो साता २६४७.२२ विन्दुमा पुगेर बन्द हुँदा बजार ८७.७३ अंकले बढेको छ । अर्थमन्त्री डा. स्वर्णिम वाग्लेले सेयर बजार सुधारका लागि जारी गरेको २१ बुँदे कार्ययोजनाले सेयर बजारका लगानीकर्तामा लामो समयदेखि देखिएको निराशालाई यो साताको कारोवारले आशामा बदलेको देखिएको छ ।

यस साता पाँच दिनको कारोबाारका लागि बजार खुलेको थियो भने उक्त दिन मध्ये ४ दिनको कारोबार नेप्से बढेर बन्द भएको थियो भने एक कारोबारको दिन मात्रै बजार सामान्य अंकले घटेर बन्द भएको थियो । यो साता दैनिक औसतमा ६ अर्व १२ बरोड रुपैयाँको सेयर किनवेच भएको छ, यो ४९.४१ प्रतिशतले बढी हो । योबाट के प्रष्ट हुन्छ भने लगानीकर्ताले बजारमा उच्च मनोवलका सात लगानी गरेको देखिन्छ ।