समय अगावै कार्यालय पुग्ने कर्मचारी बर्खास्त, अदालतको निर्णय पनि कम्पनीकै पक्षमा !

काठमाडौँ । स्पेनको एलिसान्टे सहरमा एक अनौठो घटना सार्वजनिक भएको छ, जहाँ एक डेलिभरी कम्पनीले समयभन्दा अगाडि कार्यालय आउने बानीका कारण महिला कर्मचारीलाई बर्खास्त गरेको छ ।

कम्पनीको कार्य समय बिहान ७:३० बजे सुरु हुने भए पनि ती कर्मचारी दैनिक ६:४५ देखि ७:०० बजेसम्म नै कार्यालय पुग्ने गर्थिन् । कम्पनीका अनुसार यो व्यवहारले अन्य कर्मचारीलाई असहज बनाएको थियो र कार्यस्थलमा अनावश्यक दबाब तथा अवरोध सिर्जना भएको थियो ।