अनपेक्षित प्राकृतिक प्रकोप र राज्यको दायित्व

नेपालमा वर्षायाममा हरेक वर्ष ठूला प्रकारका प्राकृतिक प्रकोपहरू हुने गरेका छन् । हरेक वर्ष सामना गरी आएका समान प्रकृतिका प्राकृतिक प्रकोपका विरुद्ध हुने तयारी प्रकोप भइसकेपछि मात्र गरिने प्रवृत्तिमा हामी नेपाली अभ्यस्त छौं । अपेक्षा नै नगरेको प्राकृतिक प्रकोपको सामना गर्न सक्ने प्रकारले हाम्रो दूरदर्शिता र तयारी प्रायः शून्यजस्तै छ ।

प्रकोपबाट जे–जति सकिन्छ उद्धार र पुनस्र्थापन गरिसकेपछि हामीले फेरि पनि यस्तै प्रकृतिका प्रकोपहरूको सामना गर्नुपर्ने सम्भावना हुने पक्षलाई नजरअन्दाज गर्दछौं । यही हेलचेक्र्याइँका कारण नेपाली नागरिक र राज्यले ठूलो धनजनको हानि–नोक्सानीको असह्य पीडा प्रतिवर्ष खेप्नुपरिराखेको छ ।