धवलागिरि आरोहणका लागि आधार शिविरमा पुग्न थाले पर्वतारोही

काठमाडौं– विश्वको सातौँ अग्लो हिमाल धवलागिरि आरोहणका लागि आएका पर्वतारोहीहरू आधार शिविर पुग्न थालेका छन् । आठ हजार १६७ मिटर अग्लो धवलागिरि हिमाल म्याग्दीको धवलागिरि गाउँपालिका–४ मा पर्छ ।

‘एठ के’, ‘सेभेन समिट’ र ‘फोरटिन पिक्स’ ट्रेकिङ कम्पनीमार्फत आरोहणका लागि आएका टोली आधार शिविर पुग्न थालेका हुन् । आरोहण टोलीको समन्वय गरिरहेका म्याग्दीका पर्यटनकर्मी इन्द्रसिङ शेरचनका अनुसार शनिबारसम्म ३० जना विदेशी पर्वतारोही आधार शिविर पुगेका छन् ।