हुथी विद्रोहीको अग्रसरता बढ्दै, साउदी र अमेरिकामाथि दबाब

काठमाडौँ । इरान समर्थित हुथी विद्रोहीले हालै ‘रेड सी’मा रणनीतिक रूपमा महत्त्वपूर्ण एक टापुमाथि नियन्त्रण कायम गरेपछि मध्यपूर्वमा सुरक्षा चुनौती थप गम्भीर बनेको छ । अमेरिकी आक्रमणपछि अस्थिर बनेको क्षेत्रीय अवस्थासँगै विश्वव्यापी ऊर्जा सङ्कट झन् चर्किने चिन्ता व्यक्त गरिएको छ ।

अमेरिकी सञ्चारमाध्यम सिएनएनका अनुसा हुथी समूहले अन्ततः विश्व व्यापारका लागि अत्यन्तै महत्वपूर्ण ‘बाब अल मन्डेब जलडमरूमध्यमा’ नियन्त्रण स्थापित गर्ने लक्ष्यसहित आफ्नो प्रभाव विस्तार गरिरहेको छ । अमेरिकी प्रशासनले भने हुथीविरुद्ध प्रत्यक्ष सैन्य हस्तक्षेप गर्ने खास रुचि नदेखाई मुख्य जिम्मेवारी साउदी अरेबियालाई दिएको सङ्केत गरेको छ ।