५ वर्षपछि गाउँमा गौरापर्व हेर्दा लाग्यो- सबथोक हराउँदै छ !

यसपालि ५ वर्ष पछि गौरा पर्वमा सहभागी हुन आफ्नै गाउँ बैतडीको सुर्नया पुगेँ । गाउँ नगएको भने पाँच वर्ष भएको होइन । बीचमा अरू विभिन्न काम र अवसरमा गाउँ गइरहेकै थिएँ । गाउँका बाटाघाटा, घरआँगन, आफन्त र गाउँको दैनिकीसँग मेरो सम्बन्ध टुटेको थिएन । तर गौरा पर्वमै सहभागी भएर त्यसको रौनक नजिकबाट अनुभव गरेको भने करिब पाँच वर्षपछि हो ।

त्यसैले यसपालिको गौरा मेरा लागि सामान्य पर्वभन्दा अलि फरक थियो । मनमा पाँच वर्षअघिको गौरा र बाल्यकालमा देखेको गौरा दुवैको सम्झना थियो । त्यही सम्झना बोकेर यसपालि गौरा हेर्न पुगेँ ।