मेयर कप भलिबलको उपाधि षडानन्दलाई

टक्सार । ‘दोस्रो मेयर कप आमन्त्रित अन्तरपालिका पुरुष भलिबल प्रतियोगिता’को उपाधि षडानन्द नगरपालिकाले जितेको छ । फाइनलमा षडानन्दले रामप्रसाद राई गाउँपालिकालाई ३–० सेटले पराजित गरेको हो ।

षडानन्दले पहिलो सेट २५-२३ अङ्कले, दोस्रो सेट २५-१७ अङ्कले तथा तेस्रो सेट २५-२२ अङ्कले जितेको हो । सेमिफाइनल खेलमा कोशी प्रदेश प्रहरी कार्यालय विराटनगरलाई पराजित गर्दै षडानन्द नगरपालिका तथा भोजपुर नगरपालिकालाई हराउँदै रामप्रसाद राई गाउँपालिका फाइनलमा प्रवेश गरेका हुन् ।