आयोजक आरम्भ टिम च्याम्पियन

आयोजक आरम्भ संस्कार विद्यालयले प्रथम आरम्भ कप राष्ट्रिय अन्तरविद्यालय टेबल टेनिस प्रतियोगिताको उपाधि शुक्रबार जितेको छ । विभिन्न १० स्पर्धा समावेश प्रतियोगितामा आरम्भ ३ स्वर्ण, २ रजत र ३ कांस्यसाथ टिम च्याम्पियन बन्यो ।

प्रतियोगिताको अन्तिम दिन ४ स्वर्णका लागि प्रतिस्पर्धा भएको थियो । यु–१६ ब्वाइज सिंगल्समा एरभेष्टका आर्यन शाहीले स्वर्ण जिते । लैनचौरस्थित राष्ट्रिय टेबल टेनिस प्रशिक्षण केन्द्रमा भएको फाइनलमा आर्यनले भासराका रिजन शाक्यलाई १०–११, ११–९, ११–७ र ११–६ को सेटमा पराजित गरे । आरम्भका निश्चल थापा र प्राइम ग्लोबलका सुगम पौडेल तेश्रो भए ।