आयरल्यान्ड र इजरायललाई ड्रमा अलग राख्ने आग्रह अस्वीकार

युरोपेली फुटबल महासंघ (यूईएफए) ले राष्ट्रिय टोलीलाई प्रतियोगिताको ड्रमा एकअर्काबाट अलग राख्ने निर्णय सुरक्षा अवस्थालाई आधार बनाएर हरेक घटनालाई छुट्टाछुट्टै मूल्यांकन गरी गर्ने जनाएको छ।

आयरल्यान्डको फुटबल संघ (एफएआई) ले भविष्यका प्रतियोगिताको ड्रमा आयरल्यान्ड र इजरायललाई एकअर्कासँग नपार्न यूईएफएसँग आग्रह गरेको थियो। तर उक्त आग्रह स्वीकार नगरिएको एफएआईका प्रमुख कार्यकारी डेभिड कोरेलले शुक्रबार बताएका छन्।