पद्म नर्सिङ होमको अनुमतिमा मन्त्रीले घुस डिल गरेको आरोप, एमालेले बनायो छानबिन समिति

पोखरा । पोखराको नदीपुरमा रहेको पद्म नर्सिङ होमलाई १ सय बेडको अस्पताल सञ्चालन गर्ने अनुमति दिने भन्दै घुस डिलको आरोप लागेका पूर्वमन्त्रीमाथि छानबिन गर्न एमालेले समिति बनाएको छ ।

एमालेबाट यसअघि स्वास्थ्यमन्त्री बनेका लक्ष्मणबहादुर पाण्डेमाथि छानबिनका लागि समिति गठन भएको हो । पद्म नर्सिङ होमलाई ५० शय्याबाट विस्तार गरी १ सय शय्याको अस्पताल सञ्चालन अनुमति दिने प्रक्रियामा तत्कालीन मन्त्री पाण्डे, उनका स्वकीय सचिव यादव पौडेल र स्वास्थ्य मन्त्रालयका सचिव डा. युवानिधि बसौलाले घुस डिल गरेको आरोप छ । सञ्चारमाध्यममा यसबारे समाचार आएपछि छानबिन समिति गठन भएको हो ।