निःशुल्क कानुनी सहायता विधेयक संसदमा, पक्राउ परेकै समयदेखि कानुनी सहायता पाउने व्यवस्था

काठमाडौं- सरकारले निःशुल्क कानुनी सहायता सम्बन्धी विधेयक, २०८३ प्रतिनिधिसभामा दर्ता गरेको छ। कानुन, न्याय तथा संसदीय मामिलामन्त्री सोविता गौतमले असोज २ गते विधेयक दर्ता गरेकी हुन्।

नेपालको संविधानको धारा २० मा व्यवस्था गरिएको न्यायसम्बन्धी मौलिक हक कार्यान्वयन गर्न तथा २०७६ सालमा जारी भएको एकीकृत कानुनी सहायता नीतिलाई कार्यान्वयनमा ल्याउन विधेयक ल्याइएको कानुन मन्त्रालयले जनाएको छ।