एसियन गेम्स: सेमिफाइनलमा कजाखस्तानकी खेलाडीसँग एरिका पराजित

नेपालका लागि आशा गरिएकी खेलाडी कराते खेलाडी एरिका गुरुङ २०औ एसियाली खेलकुदको सेमिफाइनलमै रोकिएकी छिन् ।

तोयोहासी जिम्नाजियममा आइतबार भएको महिला कुमुते ६८ केजीमाथि सेमिफाइनलमा एरिका कजाखस्तानकी बेरुल्टसेभा सोफियासँग २–१ ले पराजित भइन् । दुई सेकेन्ड बाँकी छँदासम्म १–१ को स्थिति थियो । यही स्थितिमा समय समाप्त हुँदा एरिका विजेता हुने थिइन् । तर, दुई सेकेन्ड बाँकी छँदा भिडियो रिप्लेमार्पmत सोफियाले युकोबाट एक अंक पाइन् । यससँगै एरिकाको फाइनल यात्रा समाप्त भएको हो । गत संस्करणको फाइनलमा पनि एरिका सोफियासँग नै पराजित भइकी थिइन् । अब उनले कांस्य पदकका लागि साउदी मोस्तफा डिनासँग आजै खेल्नेछिन् ।