सिमेन्टको भाउ तीन महिनामै दोब्बर बढाइएपछि तात्यो मिनी संसद, भाउ घट्छ कि सामसुम हुन्छ ?

कोभिड १९ महामारीसँग अर्थतन्त्रमा मन्दी छाएपछि सरकारी विकास निर्माणका काम ठप्पजस्तै छन्। ठूला आयोजनासमेत धिमा गतिमा छन्। नागरिकले घर निर्माणको काम पनि रोकेका छन्।

यो अवस्थामा सिमेन्छ, छडको माग घट्नु स्वभाविक हो। त्यही भएर तीन महिना अघिसम्म सिमेन्टको भाउ प्रतिबोरा ४५० मा झरेको थियो। तर, अब विस्तारै सिमेन्टको माग बढ्न थालेपछि उत्पादक कम्पनीले कार्टेलिङ थालेका छन्। भाउ एकैपटक दोब्बर पुगेको छ।