‘बूढो भएँ, अफकोर्स ६० वर्षको भएँ!’ भन्दै सलमानले मञ्चमै खोले कपडा, ट्रोलर्सलाई दिए कडा जवाफ

भारतीय टेलिभिजन शो ‘बिग बोस २०’ को दोस्रो ‘विकेन्ड का वार’मा अभिनेता सलमान खान सामाजिक सञ्जालमा हुने ट्रोलिङ, बडी–सेमिङ र एज–सेमिङविरुद्ध कडा रूपमा प्रस्तुत भएका छन्।

शनिबारको एपिसोडमा सलमानले आफूलाई समेत ‘बूढो भयो’ भन्दै ट्रोल गर्ने गरिएको बताए। उनले उमेर बढ्नु स्वाभाविक भएको भन्दै भने, ‘बूढो भयो, अफकोर्स ६० वर्षको भइसकेँ।’ त्यसपछि उनले कार्यक्रमकै मञ्चमा टोपी, ज्याकेट र टी–सर्ट खोलेर आफ्नो फिट शरीर देखाए।