सोनम वाङ्चुकलाई अस्पताल सारिएको घटनाप्रति असन्तुष्ट सोनाक्षी सिन्हा

बलिउड अभिनेत्री सोनाक्षी सिन्हाले इन्जिनियर तथा वातावरणविद् सोनम वाङ्चुक प्रति आफ्नो समर्थन पुनः दोहोर्याएकी छन्। जन्तर मन्तरमा जारी आन्दोलनबाट उनलाई उनको मन्जुरीबिना अस्पताल लगिएको घटनापछि सोनाक्षीले सामाजिक सञ्जालमार्फत आफ्नो धारणा सार्वजनिक गरेकी हुन्।

इन्स्टाग्राममा सार्वजनिक गरिएको भिडियोमा उनले वाङ्चुक सुरक्षित रहेको र उनकी श्रीमती पनि सँगै रहेकोमा खुसी व्यक्त गर्दै उनलाई आन्दोलनस्थलबाट लगिएको तरिकाप्रति असन्तुष्टि जनाइन्। उनले वाङ्चुक र उनका समर्थकहरूले लामो समयदेखि शान्तिपूर्ण, संयमित र सम्मानजनक रूपमा आफ्ना माग प्रस्तुत गर्दै आएको भन्दै उनीहरूको प्रशंसा गरिन्।