औषधि व्यवसायलाई मर्यादित र कानुनसम्मत बनाउन आग्रह

काठमाडौँ । नेपाल औषधि व्यवसायी सङ्घ काठमाडौँ शाखाले जिल्ला भित्रका औषधि पसलहरूको वैधानिक सञ्चालन, व्यवसायी तथा फर्मासिस्टहरूको व्यावसायिक जिम्मेवारी र औषधि बिक्री वितरणलाई मर्यादित बनाउन विशेष अपिल गरेको छ ।

औषधि व्यवस्था विभागसँगको छलफलपछि सङ्घले एक अत्यन्त जरुरी सूचना जारी गर्दै दर्ताबिना पसल सञ्चालन नगर्न, अनुगमन छल्ने उद्देश्यले बिहान-बेलुका वा सार्वजनिक बिदाका दिन मात्र पसल नखोल्न र आफ्नो नामको लाइसेन्स वा व्यावसायिक प्रमाणपत्र अन्य व्यक्तिलाई भाडामा नदिन कडा निर्देशन दिएको छ।