समूह ‘के’ बाट कोलम्बिया, पोर्चुगल र डीआर कङ्गो अन्तिम ३२ मा

काठमाडौँ । फिफा विश्वकप २०२६ अन्तर्गत समूह ‘के’ को प्रतिस्पर्धा सम्पन्न भएको छ। समूहबाट कोलम्बिया, पोर्चुगल र डीआर कङ्गो नकआउट चरण (अन्तिम ३२) मा प्रवेश गर्न सफल भएका छन्।

समूहको अन्तिम खेलमा डीआर कङ्गोले उज्बेकिस्तानलाई ३–१ ले पराजित गर्दै विश्वकप इतिहासकै पहिलो जित दर्ता गर्‍यो। यससँगै डीआर कङ्गोले पहिलोपटक विश्वकपको नकआउट चरणमा स्थान बनाउँदै ऐतिहासिक उपलब्धि हासिल गरेको हो। डीआर कङ्गोका लागि योआने विस्साले दुई तथा फिस्टोन मायेलीले एक गोल गरे।