खोर्लावेशीमा बेलिब्रिज निर्माण

गोरखा । तीन सय ४१ मेगावाटको बुढीगण्डकी जलविद्युत् आयोजनाले उत्तरी गोरखाको धार्चे–३ खोर्लावेशीमा निर्माण गरेको बेलिब्रिजको उद्घाटन गरिएको छ ।

रु पाँच करोडको लागतमा निर्माण भएको सो पुलको धार्चे गाउँपालिकाका अध्यक्ष लक्ष्मण गुरुङ र आयोजनाको प्रवर्द्धक कम्पनी टाइम्स इनर्जीका अध्यक्ष हिम पाठकले संयुक्त रूपमा उद्घाटन गरेका हुन् । तिब्बती सीमा जोड्ने लक्ष्यका साथ नेपाली सेनाले निर्माण गरिरहेको बेनिघाट लार्के सडकको खोर्लावेशीस्थित निम्रुङ खोलामा सो निर्माण गरिएको हो ।