एसियाडमा सेमिफाइनलबाटै बाहिरिन् एरिका

काठमाडौं। नेपाली कराते खेलाडी एरिका गुरुङ एसियाली खेलकुद (एसियाड) को महिला ६८ केजीमाथिको सेमिफाइनलमा पराजित भएकी छन्। आइतबार जापानको तोयोहाशी जिम्नाजियममा भएको सेमिफाइनलमा एरिका काजकिस्तानकी सोफिया बेरुल्टसेभासँग २-१ ले पराजित भइन्।

कडा प्रतिस्पर्धाबीच एरिकाले खेल आफ्नो पक्षमा पार्न सकिनन्। यसअघिको संस्करणको फाइनलमा पनि एरिका बेरुल्टसेभासँगै पराजित भएकी थिइन्। यसअघि क्वार्टरफाइनलमा एरिकाले जोर्डनकी यारा नासेरलाई ७-१ ले पराजित गर्दै सेमिफाइनलमा स्थान बनाएकी थिइन्। १९औं एसियाडमा एरिकाले करातेबाट नेपाललाई ऐतिहासिक रजत पदक दिलाएकी थिइन्।