केही नेताले शेरबहादुर दाइलाई अल्मल्याए : महालक्ष्मी उपाध्याय ‘डिना’

काठमाडौं- पूर्वसभापति शेरबहादुर देउवाको साथ छोडेर केही दिनअघि नेपाली कांग्रेसको १५औं महाधिवेशन सफल बनाउन सानेपा पुगेकी महालक्ष्मी उपाध्याय ‘डिना’ अग्रजहरूले तल्लो तहका नेताहरूलाई निराश बनाउन नहुने बताउँछिन् । आफ्नो व्यक्तिगत महत्त्वकांक्षा त्यागेर कांग्रेस एक बनाउने अभियानमा उपस्थित हुन उनी अग्रजहरूलाई सुझाव दिन्छिन् ।

हरेकजसो जिल्लामा उत्साहजनक ढङ्गले वडा अधिवेशन सम्पन्न हुने क्रममा रहेको जानकारी दिँदै उनी माथिल्लो तहका नेता नमिल्दा तल्लो तहका व्यक्तिहरूमा कन्फ्युजन रहेकाले त्यस्तो अवस्था नबनाइदिन आग्रह गर्छिन् । उनी पूर्वसभापति देउवालाई केही नेताहरूले रोकिराखेको बताउँदै त्यसो गर्न नहुने बताउँछिन् । देउवाले अब पदमा नबस्ने र नेतृत्व समेत नगर्ने बताइरहँदा उनी अब पनि देउवालाई नउक्साउन अन्य शीर्ष नेताहरुलाई आग्रह गर्छिन् । खबरहबले यसै विषयमा नेपाली कांग्रेसकी नेतृ महालक्ष्मी उपाध्याय ‘डिना’ सँग कुराकानी गरेको छ । प्रस्तुत छ कुराकानीको सम्पादित अंश-