एसियाडमा क्रिकेट : इतिहास बदल्ने, पदक जित्ने लक्ष्य

४ असोज, काठमाडौं । एसियाली खेलकुदको क्रिकेट मञ्चमा बारम्बार क्वाटरफाइनलको तगारो पार गर्न नसकेको नेपाली राष्ट्रिय क्रिकेट टोली यसपटक भने इतिहास बदल्दै नयाँ अध्याय लेख्ने दृढ संकल्पका साथ जापानमा हुने २०औं एसियाली खेलकुदमा सहभागी हुँदैछ ।

विगतका तीन संस्करणमा क्वाटरफाइनलभन्दा अगाडि बढ्न नसकेको नियतिलाई तोड्दै नेपालले यसपटक कम्तीमा सेमिफाइनल यात्रा तय गरेर ऐतिहासिक पदकको ढोका उघार्ने स्पष्ट लक्ष्य बनाएको छ ।