चन्द्रमामा सहर बनाउने एलन मस्कको योजनामा ठूलो धक्का, १० लाख मानिस चन्द्रमामा बसे २ वर्षमै पानी सकिने !

एलन मस्कले लामो समयदेखि पृथ्वीबाहिर मानव सभ्यता विस्तार गर्ने र भविष्यमा self-sustaining city निर्माण गर्ने महत्वाकांक्षी योजना अघि सार्दै आएका छन्। यद्यपि उनको मुख्य ध्यान मंगल ग्रहमा केन्द्रित छ, चन्द्रमालाई पनि अन्तरिक्ष विस्तारको महत्वपूर्ण आधारका रूपमा हेरिँदै आएको छ। नयाँ अध्ययनले भने ठूलो जनसंख्या चन्द्रमामा बसाल्न पानीको भरपर्दो स्रोत र अत्यन्त प्रभावकारी पुनर्चक्रण प्रणाली अनिवार्य हुने देखाएको छ।

अध्ययनअनुसार अन्तर्राष्ट्रिय अन्तरिक्ष स्टेशनमा जस्तै करिब ९८ प्रतिशत पानी पुनर्चक्रण गर्न सकिए १० लाख जनसंख्या भएको चन्द्र सहर करिब एक शताब्दीसम्म टिक्न सक्ने अनुमान छ। चन्द्रमाको ध्रुवीय क्षेत्रमा बरफका रूपमा पानी रहेको वैज्ञानिक प्रमाण भए पनि वास्तविक मात्रा कति छ भन्ने अझै निश्चित छैन।