के-के छन् १६औँ योजनामा आयोगका प्राथमिकता ?

काठमाडौं । राष्ट्रिय योजना आयोगले तीनै तहका सरकारबीच सहकार्य र समन्वय गर्दै १६औँ योजनाको कार्यान्वयनलाई व्यवस्थित बनाइने जनाएको छ ।

बिहीबार काठमाडौंमा पत्रकार सम्मेलन गर्दै आयोगले १६औँ योजना समृद्ध नेपाल, सुखी नेपालीको आधारशीलामा तयार भएकाले तीनै तहका सरकारबीच सहकार्य र समन्वय गर्दै कार्यान्वयनलाई व्यवस्थित बनाइने जनाएको हो । १६औँ योजना कार्यान्वयनमा दिगो विकास लक्ष्य स्थानीयकरण र अतिकम विकसित देशबाट स्तरोन्नति हुने लक्ष्यलाई प्राथमिकतामा राखिएको आयोगका उपाध्यक्ष प्रा.डा. शिवराज अधिकारीले बताए ।