दशैँअघि सबै सडक चालु गर्न खोटाङ विपद् समितिको निर्देशन

खोटाङ । दशैँ, तिहार र छठमा घर फर्कने जिल्लावासीलाई सहज बनाउन जिल्ला विपद् व्यवस्थापन समिति खोटाङले जिल्लाका सबै सडक तत्काल मर्मत गरी यातायातयोग्य बनाउन आग्रह गरेको छ । यसका लागि स्थानीय तह र सम्बन्धित कार्यालयले आवश्यक व्यवस्थापन गर्ने–गराउने निर्णय समितिको बैठकले गरेको हो ।

जिल्लामा मध्यपहाडी लोकमार्गबाहेक सबै ग्रामीण सडक कच्ची भएकाले वर्षा सुरु हुनासाथ अवरुद्ध बन्ने गरेका छन् । वडा–वडासम्म सडक पुगे पनि कालोपत्रे नहुँदा वर्षमा करिब छ महिना मात्र यातायात चल्ने गरेको छ । “सडक निर्माण, मर्मत र सञ्चालनको जिम्मेवारी सम्बन्धित पालिकाको हो, यसमा हामी समन्वय गर्छौं,” समितिका संयोजक एवम् प्रमुख जिल्ला अधिकारी महेशकुमार गुरुङले भने, “चाडपर्व मान्न गाउँ आएका कसैले पनि दुःख पाउनुभएन ।