डीएनसी २०२६ मा सञ्चारमन्त्री तिमिल्सिनाले भने- ‘डिजिटल रूपान्तरण प्रविधिको मात्र नभई राष्ट्र निर्माणको परियोजना हो’

काठमाडौं । सूचना तथा सञ्चारमन्त्री डा. विक्रम तिमिल्सिनाले डिजिटल रूपान्तरणलाई प्रविधिको विस्तार र सरकारी सेवाको आधुनिकीकरणमा मात्र सीमित नगरी विपद् तथा संकटका समयमा समेत नागरिकलाई निरन्तर सेवा, सूचना र सञ्चार उपलब्ध गराउन सक्ने दिगो तथा उत्थानशील डिजिटल प्रणाली निर्माणमा जोड दिनुपर्ने बताएका छन् ।

आईसिटी फाउन्डेसन नेपालद्वारा ललितपुरमा आयोजित डिजिटल नेपाल कन्क्लेभ (डीएनसी) २०२६ लाई सम्बोधन गर्दै मन्त्री तिमिल्सिनाले डिजिटल रूपान्तरण प्रविधिको मात्र नभई शासन प्रणाली, विकास र अन्तत: राष्ट्र निर्माणसँग जोडिएको विषय भएको बताए ।