पाकिस्तानमा सुरक्षा कारबाही : पाँच लडाकु मारिए, २३ जनाको उद्धार

पाकिस्तानको दक्षिणपश्चिमी बलुचिस्तान प्रान्तमा सुरक्षा बलले सञ्चालन गरेको कारबाहीमा पाँच जना लडाकु मारिएका छन् भने २३ जना अपहरित नागरिकको उद्धार गरिएको पाकिस्तानी सेनाले जनाएको छ ।

सेनाको सञ्चार तथा जनसम्पर्क शाखा इन्टर-सर्भिसेस पब्लिक रिलेसन्स (आईएसपीआर) का अनुसार शुक्रबार राति कलात नजिकै पाकिस्तान हाइवे (एन-२५) मा लडाकुले यात्रुलाई अपहरण गरी फिरौती असुल्ने, रकम उठाउने तथा सवारी साधन कब्जा गर्ने उद्देश्यले अवैध चेक पोष्ट स्थापना गर्न खोजेका थिए ।