चुनावकै दिन मस्कोमा युक्रेनको अहिलेसम्मकै ठूलो ड्रोन हमला, १००० भन्दा बढी ड्रोन प्रहार !

युक्रेनले रुसमाथि हालसम्मकै ठूलोमध्ये एक ड्रोन आक्रमण गरेको छ। रुसी अधिकारीहरूका अनुसार शनिबार रातिदेखि आइतबारसम्म देशका विभिन्न भागतर्फ १,००० भन्दा बढी युक्रेनी ड्रोन पठाइएका थिए। रुसको रक्षा मन्त्रालयले तीमध्ये करिब १,१०० ड्रोन खसालिएको दाबी गरेको छ। मस्कोका मेयर सर्गेई सोब्यानिनका अनुसार राजधानी मस्कोतर्फ मात्रै सयौँ ड्रोन आएका थिए र यो मस्कोमाथि भएको अहिलेसम्मकै सबैभन्दा ठूलो ड्रोन आक्रमण भएको उनले बताएका छन्।

आक्रमणका क्रममा मस्को क्षेत्रका दुई जनाको मृत्यु भएको र करिब २० जना घाइते भएको एपीले जनाएको छ। एउटा आवासीय भवनमा समेत ड्रोन ठोक्किएको रिपोर्ट छ। रुसका अनुसार मस्को क्षेत्रका केही स्थानमा मानिसहरूलाई सुरक्षित स्थानमा सारिएको थियो।