राष्ट्रपति रनिङ शिल्डमा तीन हजार विद्यार्थी प्रतिस्पर्धा गर्दै

गण्डकी। पोखरामा यही पुस ९ गतेदेखि हुने सोह्रौँ राष्ट्रपति रनिङ शिल्ड तथा पाँचौँ मेयर कप विद्यालय खेलकुद प्रतियोगितामा कूल ४०४ पदकका लागि तीन हजार ३१२ विद्यार्थीले प्रतिस्पर्धा गर्ने भएका छन् ।

प्रतियोगिताबारे जानकारी दिन सोमबार यहाँ आयोजित पत्रकार सम्मेलनमा पोखरा महानगर खेलकुद विकास समितिका अध्यक्ष दीपकबहादुर गोदारले प्रतियोगिताको तयारी अन्तिम चरणमा पुगेको जानकारी दिए । प्रतियोगितामा उसु, कराते, तेक्वान्दो, भलिबल, कबड्डी र एथलेटिक्स विधामा प्रतिस्पर्धा हुने उनले बताए ।