बसुन्धरा किङ्सका लागि अन्जन विष्टको पहिलो गोल

४ असोज, काठमाडौं । नेपाली राष्ट्रिय टोलीका फरवार्ड अन्जन विष्टले बंगलादेश प्रिमियर लिगमा बसुन्धरा किङ्सका लागि आफ्नो पहिलो गोल गरेका छन् ।

आरामबाग क्रीरा सङ्घविरुद्धको खेलमा विष्टले ३२औं मिनेटमा पेनाल्टीमार्फत गोल गर्दै बसुन्धरालाई अग्रता दिलाएका थिए । तर निर्धारित समयपछि थपिएको ९०+८औं मिनेटमा गोल खाएपछि बसुन्धरा १–१ को बराबरीमा रोकियो ।