यी हुन् हमासले दोस्रो चरणमा रिहा गर्न लागेका चार इजरायली बन्धक

काठमाडौं । गाजा युद्धविरामको सम्झौता अनुसार हमासले शनिबार रिहा गर्न लागेका चार इजरायली बन्धकको नाम सार्वजनिक गरेको छ । जसमा सैनिक करिना एरिएव, डेनिएला गिल्बोआ, नामा लेबी र लिरी अल्बाग रहेका छन् ।

यी चारैलाई इजरायलमा बन्द १८० प्यालेस्टाइनी कैदीको बदलामा रिहा गरिने बताइएको छ । गएको आइतबार युद्धविराम लागू भएपछि यो दोस्रो आदानप्रदान हो । यसअघि पहिलो अदलाबदलीमा तीन इजरायली बन्धकको साटो ९० प्यालेस्टाइनी कैदीको रिया गरिएको थियो ।