चारवटा खानेपानी आयोजनाको पानीमा कोलिफम जिवाणु

सिन्धुली । सिन्धुलीका चारवटा खानेपानी आयोजनाको पानी खान योग्य नभएको भेटिएको छ । जनस्वास्थ्य कार्यालय सिन्धुलीले जाँच गरेका २३ वटा खानेपानी आयोजनाको पानी मध्ये चार वटा आयोजनाको पानीमा दिसामा पाईने कोलिफमको जिवाणु भेटिएको जिल्ला जनस्वास्थ्य कार्यालय सिन्धुलीका ल्याव टेक्निसियन अधिकृत गंगाराम कार्कीले बताए ।

कार्यालयले २३ वटा खानेपानी आयोजना र अन्य गरि २७ वटा नमुना परिक्षण गरिएको कार्कीले बताए । उनका अनुसार जनमैत्री खानेपानी आयोजना कनपा ७, खमारे खानेपानी आयोजना दुधौली १, मधुगंगा खानेपानी आयोजना दुधौली र चैनपुर खानेपानी आयोजनाको खानेपानीमा कोलिफम भेटिएको हो ।