एकैठाउँबाट सूचना उपलब्ध गराउन गृहकार्य

वीरगन्ज । परिवर्तित समयमा आ–आफ्ना वेव साइड (पोर्टल) मार्फत सरकार र मातहतका निकाय तथा विभिन्न संघ संस्थाले आफ्ना सूचना सहजै नागरिकलाई उपलब्ध गराउने भनिएको छ । तर त्यो अझै व्यवहारमा प्रभावकारी भएको छैन । तीन तहका सरकार हुन् या मातहतका अन्य निकाय तथा संघ संस्था । ’emका वेव साइड अझै आम नागरिकमैत्री नभएको पाइएको हो ।

तीन तहकै सरकार र न्याय क्षेत्रका अधिकाँश सूचना एकै ठाउँबाट उपलब्ध हुने कुरा दूर्लभ झैं थियो । तर अब यो कुराको पनि सम्बोधनको प्रयास सुरुवात भएको पाइएको छ । यो कार्यको सरकारी तवरबाट भने थालनी गरेको पाइएको छैन । गैर सरकारी संस्था गुड गभन्र्यान्स (गोगो) फाउण्डेशनले ‘नीति पोर्टल’ को नामाकराण गरी गृहकार्य थालनी गरेको छ । यसको पृष्ठपोषण र सुझावका लागि गोगो फाउण्डेशन लुम्बिनी प्रदेश र मधेश प्रदेशका विभिन्न पालिकामा पुगेको छ । पर्साको वीरगन्जमा पनि गोगो नेपालका परियोजना संयोजक दुर्लभबहादुर बोगटी आई यहाँका विभिन्न व्यक्तिहरुसँग सुझाव संकलन गरेका छन् ।