हेडको शतकका अस्ट्रेलिया बलियो

काठमाडौँ — ट्रेभिस हेडको आकर्षक शतकमा अस्ट्रेलिया ओभलमा भारतविरुद्ध सुरु भएको वर्ल्ड टेस्ट च्याम्पियनयसिपको पहिलो दिन बुधबार बलियो स्थितिमा रहेको छ । हेड क्रिजमा आउँदा पहिले ब्याटिङको निम्तो पाएको अस्ट्रेलिया तीन विकेट गुमाएर ७६ रनको खराब स्थितिमा थियो ।

तर बायाँ हाते ब्याटर हेडले आक्रामक ब्याटिङ गर्दै उल्टै भारतलाई दबाबमा राखेका थिए । दिनको खेल सकिंदा अस्ट्रेलिया तीन विकेट गुमाएर ३ सय २७ रनको मजबुत स्थितिमा रहेको छ।