डिएनसी २०२६ : एआईमा आत्मनिर्भर नेपाल निर्माणका लागि पूर्वाधार र डेटा बलियो बनाउनुपर्नेमा जोड

काठमाडौं । डिजिटल नेपाल कन्क्लेभ (डिएनसी) २०२६ मा नेपालको एआई (कृत्रिम बुद्धिमत्ता) इकोसिस्टम तथा डिजिटल क्षमता विकासका लागि आवश्यक पूर्वाधार, डेटा र शासन प्रणालीबारे छलफल भएको छ ।

आइतबार ललितपुरको पुल्चोकस्थित द प्लाजामा आयोजित कन्क्लेभअन्तर्गतको ‘बिल्डिङ नेपाल्स एआई सोभरेन्टी: इन्फ्रास्ट्रक्चर, डेटा, गभर्नेन्स’ शीर्षकको तेस्रो विषयगत प्यानलमा नेपालमा एआई सार्वभौमसत्ता निर्माणका लागि आवश्यक डिजिटल पूर्वाधार, डेटा व्यवस्थापन र नीतिगत तथा शासकीय संरचनाबारे छलफल गरिएको हो ।