नेपाल टेक रोडशो युरोप २०२६ सम्पन्न, नेपाली प्रविधिलाई युरोपेली बजारसँग जोड्ने प्रयास

काठमाडौं । नेपाली प्रविधि क्षेत्रलाई अन्तर्राष्ट्रिय बजारसँग जोड्ने उद्देश्यले आयोजना गरिएको ‘नेपाल टेक रोडशो युरोप २०२६’ सम्पन्न भएको छ ।

नेपाल एसोसिएसन फर सफ्टवेयर एन्ड आईटी सर्भिसेस कम्पनीज् (नास–आईटी) को आयोजनामा यूके र स्विट्जरल्यान्डमा सञ्चालन भएको रोडशोको अन्तिम कार्यक्रम स्विट्जरल्यान्डको ज्युरिखमा सम्पन्न भएको हो । ज्युरिखमा सेप्टेम्बर १६ मा होटल सेन्ट गटहार्डमा कार्यक्रम आयोजना गरिएको थियो ।