नेकपा ब्युँताउने तयारीः प्रचण्ड–माधव अध्यक्ष, महासचिवमा विप्लव

काठमाडौं । नेकपा (एकीकृत माओवादी) केन्द्रको पहलमा तीन कम्युनिस्ट दलबीच एकता प्रक्रियाले गति लिएको छ । माओवादी केन्द्र, नेत्रविक्रम चन्द ‘विप्लव’ नेतृत्वको नेकपा र नेकपा एकीकृत समाजवादी तत्कालै एकतासम्म पुग्नेगरी थप नजिक भएका छन् ।

माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादी (एस)का अध्यक्ष माधवकुमार नेपाललाई अध्यक्ष बनाउने र विप्लवलाई महासचिव बनाएर एकता प्रक्रियालाई टुंगोमा पु-याउनेगरी छलफललाई निष्कर्षउन्मुख बनाएको तीनवटै दलका नेताको दाबी छ । यो प्रक्रिया आगामी भदौ मसान्तसम्ममा टुंग्याउने नेताहरूको तयारी छ ।